Tunga ro opinyon it mga taga-Aklan sa pagsapinal it mandatory sim card registration bill sa bieog nga nasyun.
Base sa mga opinyon nga ginpadaea sa programang Banat Brigada ni Kabrigadang Sherry Anne Reunir Vidal, pila sa mga residente ro naghambae nga indi sanda pabor sa mandato bangud naduea-an sanda it privacy.
Samtang, may iban nga mga indibdwal man ro nagpahayag nga pabor sa anda ro resolusyon bangud malikawan ro mga text scams nga andang nabaton.
Matandaan nga aprubado eun it House committee on information and communications technology ro consolidated bill nga tuyo nga i-register it mga mobile subscribers ro andang SIM cards.
Ro nasambitan nga tikang hay ginhimo agud malikawan ro nagataas nga numero it mga mobile phone scams sa bioeg nga nasyun./JIL B. LACSON
