Arestado ro sangka eaeaki nga may warrant of arrest para sa kasong Usurpation of Authority of Official Functions.
Ro 42yo nga eaeaki hay naaresto sa Brgy. Nueva Sevilla, Barotac Viejo, Iloilo sa ginkasa nga manhunt Charlie operation it Intel PNCO it Banga MPS ku September 5.
Ro subject person hay sangka truck driver ag residente sa nasambit nga lugar.
May ginrekomendang P30,000 nga piyansa ro korte para sa anang temporary nga kahilwayan.
Samtang, sa kustodiya eon makarun ro subject person sa Banga MPS para sa nagakaigu nga disposisyon. / ANN DESLENE SALAZAR
