MIDAGSA sa GenSan ang usa ka vendor og tubig gikan sa Digos City dungan sa selebrasyon sa Tuna Festival karong tuiga.
Bitbit ni Anthony Castillo iyang mga baligya nga mga mineral sa tubig ug ginalibod niya kini sa oval plaza aron mahalin.
Gilista na matud pa niini ang mga highlights atol sa lima kaadlaw nga selebrasyon sa GenSan aron masiguru niya nga mahurot og kahalin iyang baligya nga tubig.
Segun ni Castillo nagatulog lang siya sa duyan kuyog sa iyang mga kaubanang negosyante tungod mao na kini ilang trabaho ang pagdayo sa mga lugar nga dunay dagkong okasyon aron makabaligya.
Aduna man usab siyay kita sa paglibod og tubig nga nakatabang matud pa sa iyang pamilya. I Enamie Mogpon
