Isang 71-anyos na Filipina ang sinalakay at pinagnakawan sa California.
Ayon sa report, kalalabas lamang ng biktima sa isang fastfood store nang agawin ng suspect ang bag nito saka siya hatawin ng matigas na bagay sa ulo.
Mabilis namang nadala sa pagamutan ang biktima habang agad na tumakas ang suspect sakay ng kanyang kotse.
Tumanggi muna ang California police na maglabas ng detalye sa insidente habang isinasagawa pa ang imbestigasyon.
