SORSOGON CITY – Opisyal nang nagsimula ngayong araw ng Huwebes, April 28, ang 9th Regional Travel Fair (RTF) Hybrid Edition.
Ginanap ito sa bagong tayong Sorsogon Convention Center at magtatagal hanggang sa ika-2 ng buwan ng Mayo.
Kaugnay nito, inaasahan na ang mga stakeholder ng turismo mula sa rehiyon ng Bicol ay magsasama-sama upang ipakita ang kanilang pinakamahuhusay na mga produkto at serbisyo sa pag-asang makaakit ng mga turista.
Pagkakataon din ito upang magtatag ng mga pakikipagsosyo at bumuo ng mga koneksyon sa mga kasosyo sa lokal na industriya at stakeholder.
Positibo naman ang lalawigan na ang RTF ang pinakaangkop na venue upang muling maipakilala ang Sorsogon, lalo na ngayong muling binubuksan ang pintuan ng probinsya para sa mga aktibidad sa turismo.
Dahil nga ang Regional Travel Fair ngayong taon ay isang hybrid edition, bukod sa mga physical booths, ang Tourism Promotions Board ay magsasagawa rin ng mga online seminar at virtual promotions.
Una rito ang Regional Travel Fair ay isang programa ng Tourism Promotions Board na nagtataguyod ng mga domestic tour package.
