Nasikop sa mga sakop sa Davao City Police Office (DCPO) ang kinatibuk-ang 99 ka indibidwal nga malapason sa balaod sulod sa usa ka semana nga kampanya batok kriminalidad.
Nunot kini sa padayong paningkamot sa kapulisan nga masumpo ang iligal nga kalihokan sa dakbayan sa Davao, ilawum sa pagdumala ni DCPO, City Director, Pcol Richard Bad-ang.
Sa pakigbatok sa iligal nga droga, malampuson nga nasikop ang 40 ka drug suspek atol sa 31 ka anti-illegal drug operations, diin nakumpiska ang 54.211 grams sa gituohang shabu nga mubalor sa Php368,634.80 ug 177.66 grams sa marijuana nga mubalor sa Php21,319.20.
Samtang sa iligal nga sugal, nasikop ang 16 ka indibidwal atol sa walo (
ka operasyon, diin mukabat sa Php1,676.00. bet money ang nasakmit ug pito (7) ka kaso ang naduso na sa korte. Sa datus usab sa mga wanted person, malampuson nga nasikop ang 41 ka indibidwal atol sa 41 ka operasyon.
Samtang sa loose firearms, duha ang nasikop atol sa pito (7) ka operasyon, diin nakuha ang duha ka mga armas ug duha ka kaso ang napasaka na sa korte. Gipaniguro sa DCPO nga ang kalinaw ug kahapsay magpabilin nga nag-unang prayoridad alang sa seguridad ug kaluwasan sa tanang Dabawenyo.
Gipasalig usab sa DCPO nga magpadayon sila sa pagpahigayon og mga operasyon aron mahatagan og hustisya ang mga indibidwal nga nalambigit sa ilegal nga kalihokan.