MITAAS sa 5, 098 o 95 porsyento sa mga teaching ug non-teaching employees sa DepED Gensan ang nakadawat na sa bakuna batok Covid-19, kini subay sa datus sa School health ug Nutrition Section sa syudad.
Gikan sa maong ihap 926 ka personahe ang nakadawat sa unang dose, samtang 4,172 usab ang nakakuha na ikaduhang dose o fully vaccinated. Ug mokabat sa 465 personnel sa DepED ang naturukan na og booster shot sa bakuna.
Padayon nga nanawagan ang Division ngadto sa mga magtutudlo ug kawani sa DepED Gensan nga sundon kanunay ang mga health ug safety protocols ug ibatasan ang pag-atiman sa kaugalingon kun adunay sintomas nga masinatian labaw na nga anaa sa high risk ang syudad batok sa Covid-19 . I Enamie Mogpon
