Naniniwala si National Task Force chief implementer at vaccine czar Secretary Carlito Galvez Jr. na kaya ng bansa na maabot ang goal nito na mabakunahan kontra COVID-19 ang 90 million na Pilipino sa katapusan ng second quarter.
Inihayag ito ni Galvez matapos nitong kumpirmahin na umabot na sa mahigit 63 million na Pilipino ang nabakunahan na kontra COVID-19.
Umaasa rin si Galvez na pagsapit ng katapusan ng taon ay magagawa ng bansa na makapag-administer ng tinatayang 72.16 million na booster shots.
Target ng gobyerno na i-fully vaccinated ang 77 million Pilipino kontra COVID-19 sa katapusan ng Marso at 90 millon naman oras na bumaba si Pangulong Rodrigo Duterte mula sa kapangyarihan sa June 30.
