GIKASUHAN na sa kapulisan ang siyam ka miyembro sa state-inspired local terror group fighters kalabut sa ulahing insidente sa pagpamomba.
Kasong frustrated murder in relation sa “Anti-Terrorism Act of 2020” ang gipasakang kaso sa piskalya sa Sultan Kudarat Provincial Police Office (SKPPO) Lunes Abril 24 sa hapon. Matud ni Police Col. Christopher Bermudez, director sa SKPPO sagad sakop sa Daulah Islamiyah (DI) Bungos faction ang siyam katao nga lambigit sa pagpamomba.
Pagpangilkil sa grupo sa Husky multipurpose cooperative ang motibo nga natumbok sa kapulisan kalabut sa insidente. Gamit sa kapulisan sa pagtumbok sa maong mga indibiwal mao ang CCTV camera ug mga testimonya gikan sa mga testigo ug survivor.
Dugang ni Bermudez, migula sa imbestigasyon nga wala nainspeksyon sa konduktor sa bus ang bitbit nga bagahe sa pasahero nga nagbitbit sa eksplusibo.
Hinungdan nga nanawagan kini sa mga kompanya sa bus nga sundon ang nahisgotan nila kalabut sa pagpatuman sa seguridad sa ilang bus. I Richel Gubalani
