Malipayon nga ginbaton sang 89 tanan ka mga anay rebelde ang bulig pinansyal sa idalum sang Enhanced Comprehensive Local Integration Program (ECLIP) pinaagi sa DSWD Region 6 kag Capiz Provincial Government, Hulyo 23, 2024.
Personal nga gintugyan sa mga benepisyaryo ang kantidad nga P5,000 bilang kabahin sang Executive Order 70 kun sa diin gindesinyo agud makahatag sang komprehinsibo nga suporta kag oputunidad sa pagpangabuhi sang mga nagbalik sa sabak sang gobyerno.
Ang distribusyon gintambungan sang DSWD FO IV, Provincial ECLIP Committee Capiz Police Provincial Office, Kabayan Action Group, 12th Infantry (LICK ‘EM) Battalion, kag 301st BDE sang Philippine Army.| Ken Mark Gicalde
