SORSOGON CITY – Walong mga residente ng Juban na kabilang sa Bicol Taekwondo Academy ang nag-uwi ng panalo sa katatapos lamang na 5th Antipolo Mayors Cup Taekwondo Championship na ginanap noong Mayo 21, 2022 sa Ynares Event Center Antipolo City.
Ang grupo ay nag-uwi ng 4 na Gold Medal, 2 silver at 2 bronze na nasungkit ng mga ito sa nasabing kompetisyon.
Kabilang sa mga nakasungkit ng Gintong Medalya sina Richard Grimpola, John Axel Asesor, Lester Grefal at Remonaliza Esperida.
Nasungkit naman nina Darren Barrameda at Aira Grefal ang Silver Medal habang Bronze Medal naman ang naiuwi nina Seth Conny Desder at Jerald Baloloy.
Nagpasalamat naman ang coach ng grupo sa lahat ng mga tumulong para sa matagumpay na laban ng nasabing mga manlalaro.
