Madinaeag on nga nai-release kaina sa baybayon it Brgy. Camanci Norte, Numancia, Aklan ro kapin sa 70 nga sea turtle hatchlings.
Sa interview it BRIGADA NEWS FM KALIBO kay Mr. John Alcazarin, AT-Fishery Designate, sa 108 pieces nga itlog it pawikan, 70 ro na-hatch; 29 ro owa nabilog ag 9 ro namatay o mortality.
Pang ap-at nga batch eon segun nanda rayang release it mga pawikan.
Nasayuran nga kapin sa 10 to 20 percent eamang ro survival rate it mga pawikan bangud kung sa dagat eon ro mga raya hay may mga predator man nga nagakaun kanda.
Makabig nga sa Brgy. Camanci Norte ro breeding ground it mga sea turtle ngani September paeang hay nagaumpisa eon segun sanda nga iga-monitor ro mga raya. // ANN DESLENE SALAZAR
