Nagpositibo sa COVID-19 ang halos 70 medics na dumalo sa isang malaking Christmas party sa Southern Spain .
Ayon sa report, karamihan sa mga infected ng virus ay mga doctor at nurses na naka-assign sa intensive care unit sa Malaga Regional Hospital sa nasabing bansa.
Napag-alaman na umabot sa 170 na tao ang dumalo sa nasabing Christmas party.
Sa ngayon ay naka-isolate na ang mga nagpositibo na napag-alamang mga fully vaccinated na lahat.
Nananatili namang asymptomatic ang mga nagpositibo habang agad na nag-assign ng mga kapalit na medics para tugunan ang mga naiwang trabaho ang mga ito.
