Kinumpirma ng mga otoridad na naaresto sa France ang Saudi man na itinuturong suspect sa pagpatay sa mamamahayag na si Jamal Khashoggi.
Kinilala ng mga pulis ang suspect na si Khaled Aedh Alotaibi na naaresto sa Chales de Gaulle airport sa Paris.
Si Alotaibi ay isa sa 26 na Saudis na wanted ng Turkey dahil sa pamamaslang kay Khashoggi.
Iginiit naman ng Saudi official na biktima ng mistaken identity ang inarestong Saudi national dahil ang totoong sangkot sa murder case ay nahatulan na sa Saudi Arabia.
Si Alotaibi ay dating royal guard ay isinailalim ngayon sa judicial detention.
Matatandaan na si Khashoggi na isang kilalang kritiko ng gobyerno sa Riyadh ay pinatay umano sa Saudi consulate sa Istanbul noong October 2018.
