GIPAHIBALO SA City Administrator nga dili na mahinayon ang paglukat sa punoan sa kahoy nga Acacia sa duol sa City hall Building gumikan sa ilang nadiskubrehan.
Sa paghinabi sa Brigada Gensan kay City Administrator Atty Franklin Gacal Jr gikumperma niini nga nakahukom ang ehEkutibo nga dili na lukaton ang Acacia kay nasuta sa pagkalot gamit ang backhoe nga walay ugat nga maka apekto sa ipatukod nga bag-ong City hall Building.
Sumala kay Gacal nga kaniadtong Agusto 20 plano na unta nga ibalhin sa daplin sa sapa sa Barangay Ligaya ang kahoy apan ilaha una gisiguro kon tinuod ba nga ang mga ugat niini nakabot gayud sa mamahimong footing unya sa Building.
Wala na daw kausaban sa hukom nga magpabilin ang kahoy nga gibana-banaan nga anaa na sa 70-anyos. I Ver Diazon
