Patay ang pitong tao habang missing ang 14 na iba pa matapos lumubog ang isang Spanish fishing boat sa east coast na sakop ng Canada
Ayon sa report, nagpapatuloy ang rescue operations habang tatlong crew member ang nailigtas.
Kabilang sa 24 crew ang 15 na Spanish, isang Peruvian at Ghanaian nationals.
Napag-alaman na ang tatlong survivor ay natagpuang sakay ng lifeboat kung saan pawang nakakaranas ng hypothermia ang mga ito.
Bagamat nangangamba kung mayroon pang mga survivors dahil sa sobrang lamig sa lugar, umaasa pa rin ang mga rescuers na mayroon pa silang maililigtas nang buhay sa mga nawawala.
