Pito ka mga myembro sa Communist-Terrorist New People’s Army ang boluntrayong misurender sa otoridad sa paglaum nga makaangkon pa og bag-ong normal nga kinabuhi.
Ang pito giila nga sila si alias “Abay,” “Kabal,” “Ram,” “Renz,” “Champ,” “Daks,” ug “Remel”, nga nagalihok sa nagkadaiyang bahin sa Davao Oriental ug kasikbit nga lalawigan sa Davao de Oro ug Davao del Norte.
Sumala sa mga nahisgutan nga nitahan sila gumikan sa walay kapuslanang pakigbisog ug ang hinay-hinay nga pag-ubos sa morale sa mga kanhing kaubang rebelde tungod sa pagkapuo sa ilang mga lider atol sa mga natigayong engkwentro.
Pormal nga gidawat ang pito ka mga rebelde sa probinsya sa Davao Oriental kung asa anaa sa P100,000 cash assistance ang gitunol kanila samtang ang unom ka mga tipsters ug negotiators nga nitabang nakadawast usab og P50,000.00
Mokabat sa usa ka milyon ang natunol sa lalawigan nga kantidad sa mga rebelde nga gilaumang makatabang kanila sa pagsugod sa pagpanginabuhing normal. BNFM-DAVAO
