Inirekomenda na ng World Health Organization ang mas maikling quarantine period para sa mga taong exposed sa COVID-19.
Ayon sa WHO, ang mga exposed pero negatibo sa swab test ay maaari nang mag-quarantine ng pitong araw na lang sa halip na 14 days.
Nilinaw din ng WHO na maaari namang paabutin ng 10 days ang quarantine ng mga exposed sa COVID-19 kung hindi available ang testing at walang nararamdaman na simtomas.
Matatandaan na dating inirekomenda ang 14days na mandatory quarantine sa mga taong nakasalamuha ng mga positibo sa COVID-19 at maging sa mga nanggaling sa biyahe mula sa ibang lugar.
Ito ay upang matiyak na hindi sila carrier ng virus at kung sakali mang nahawa ay maiiwasan ang lalo pang pagkalat ng kinatatakutang virus
