Kapin sa katunga na sa mga healthcare workers sa Central Visayas ang hingpit nang nabakunahan batok sa Covid-19.
Basi sa labing uwahing datos sa Department of Health Central Visayas, anaa na sa 65.5 porsyento sa 131,989 ka mga medical frontliners sa rehiyon ang nakakumpleto na sa covid-19 vaccination.
Kini nagpasabut nga miabot na sa dul-an sa 86,000 ka mga healthcare workers ang nakadawat sa second dose sa bakuna.
Sa maong ihap, ang Siquijor mao ang adunay labing daghang nabakunahan nga naa sa 85.1 porsyento ug gisundan sa dakbayan sa Sugbo nga naa sa 76.8 porsyento.
