CAMARINES NORTE- Sumampa na sa 1,021 ang kabuuang kaso ng COVID-19 sa lalawigan ng Camarines norte sa ulat ng Department of Health Bicol kahapon.
Ito ay matapos na makapagtala muli ng 22 panibagong kaso mula sa 5 bayan sa lalawigan
Naitala ang 14 na kaso mula sa bayan ng Daet, 3 mula sa bayan ng Jose Panganiban habang tig- dalawang kaso ang nagmula sa bayan ng Basud at Labo at 1 kaso ang naitala sa bayan ng Paracale
Sumatotal. Sumampa na sa 402 ang aktibong kaso, 587 na nakarekober mula sa sakit at 32 ang naitala ng pagkasawi
Nito lamang nakaraang lunes sa isinagawang flag raising ceremony sa Kapitolyo Probinsyal ay personal na nanawagan si Governor Edgardo Tallado sa mga kawani at lahat ng mga mamayan ng Camarines Norte na sumunod sa minimum health standards na ipinatutupad ng IATF
Kasabay nito ay tiniyak din ng Gobernador na gumagawa na ng paraan ang kanilang tanggapan upang mapunan ang kakulangan ng supply ng bakuna
Sa kabila anya ito ng nakarating na ulat sa kanyang tanggapan na ang Camarines Norte sa buong Bicol Region ang Last Priority ng Department of Health sa Supply ng Covid Vaccine
