KALIBO, AKLAN – Padayun nga ginapatigayun makarun ro retrieval operation sa sangka 64 anyos nga eaeaki nga ginasugid nga naeumos samtang patabok kunta sa suba sa Kalibo-Numancia bridge sa parte it Purok 4 C. Laserna St. Pob. Kalibo kaina it agahun pasado alas 8 it agahun.
Base sa mga natipon nga impormasyon it Brigada News FM Kalibo partikular sa live-in partner it biktimang si Arlindo Tamayo, naga pangahoy sanda kat magdesisyon ro biktimang tumabok.
Indi segun ro nasambit nga misis bangud parehu sanda nga indi antigo mag eangoy, pero nagpilit ro biktima ag sa pagtabok nanda hay gulping nagbaskug ro current it tubi rasun agud maanod si Arlindo. / ANN DESLENE SALAZAR
