ILOILO CITY — Daywa ro patay samtang sambilog man ro naninahan matapos paueanan it bala ro sangka van sa Barangay Aglalana, Passi City ku Setyembre 25 it hapon.
Base sa Passi City Police, ginkilaea ro mga namatay nga sanday Jennylyn Griño it Tanza Esperanza, City Proper ag certain Jomar Fuentes nga parehung dead-on-arrival sa ospital, samtang naninahan man si Kenneth Dorado nga residente it Panit-an, Capiz.
Suno man sa driver it van nga si Jinnefer Opina, ap-at sanda nga sakay sa van kat matabo ro pagpamaril ag maswerteng owa imaw tinamaan bangud insigida imaw nga nakakuob sa manibela.
Ginhayag pa ni Opina nga kinontak imaw it sambilog sa mga biktima para rentahan ro anang van, para magpahatud kunta sa Panit-an, Capiz.
Pero samtang nagabiyahe segun sanda hay nakita nana nga may kasunod nga vios rasun nga gintaw-an nana it ligwa para maka-overtake, pero nakibot eon lang segun imaw nga pagtungod it vios hay ginpaarakan sanda.
Kat kumalma eon segun ro sitwasyun, hay nagpabilin pa imaw sa sueod it saeakyan bago gumuwa it van ag nagpangayo it bulig.
Narekober man it mga kapulisan ro kapin sa 20 basiyo sa lugar.
Sa makarun hay padayun pang ginaimbestigahan it mga otoridad kung ano ro motibo sa krimen. / ANN DESLENE SALAZAR
