ANAA sa 63 ka mga dapit sa Central Visayas ang inisyal nga giila isip ‘election hotspots.
Kini maoy gibutyag ni Police Brig. Si Gen. Roque Eduardo Vega, ang PRO-7 director subay sa pagpasalig sa publiko nga mag-malinawon ug hapsay ang eleksyon sa Central Visayas, ingon man ang mga adlaw paingon sa canvassing ug proklamasyon sa mga mananaog.
Aron mahataga’g katumanan ang maong butang, adunay dul-an sa 2,000 ka personnel gikan sa nagkalain-laing ahensya sa gobyerno ang ipakatap sa nagkadaiyang dapit sa Central Visayas aron masiguro ang kalinaw ug kahapsay atol sa pagpahigayon sa Mayo 9 national og local election.
Ang Police Regional Office-7 kagahapon, nangulo sa ceremonial send-off nga gipahigayon sa South Road Properties.
Ang augmentation forces gikan sa Philippine National Police, Philippine Coast Guard, Armed Forces of the Philippines, ug Bureau of Fire Protection.
Sa maong ihap, 1,621 niini ang gikan sa Police Regional Office-Central Visayas diin 829 ang ibutang sa Bohol, 402 sa Sugbo, 172 sa Negros Oriental og 36 sa Siquijor.
Samtang aduna usab 182 ka mga pulis ang i-standby alang sa posibleng motumaw nga mga emerhensiya.
