Sugatan ang isang construction worker makaraang mabundol ito ng motor sa Barangay Mangilag Sur, Candelaria, Quezon nitong Miyerkules, Hunyo 19.
Base sa report, tumatawid umano noon ang 63-anyos na biktimang si alyas “Gregorio” habang buhat ang sanga ng puno ng mahogany nang aksidente itong mabundol ng motor na minamaneho ni alyas “Danry”, 44-anyos.
Parehong nagtamo ng mga injury sa iba’t-ibang bahagi ng katawan ang driver at ang biktima kung kaya isinugod ang mga ito sa hospital para malapatan ng lunas.
Samantala, bukas naman ang mga panig sa pagkakasundo sa mga usapin hinggil sa aksidente.
