Nahaharap ngayon sa reklamong murder, frustrated at attempted murder ang anim pang suspek sa pagpatay Negros Oriental Governor Roel Degamo.
Isinailalim na ang mga ito sa inquest proceedings sa Department of Justice kahapon.
Sa isang panayam, sinabi ni Justice Secretary Jesus Crispin Remulla, nais ng anim na suspek na mapabilang sa Witness Protection Program.
Nakatakda silang kapanayamin ngayong araw ng WPP para sa proteksyon ng kanilang mga pamilya.
Una nang sinabi ni Remulla na sa 10 suspek sa pagpatay, siyam ang direktang lumahok sa pagpaslang sa gobernador.
