Inutos na ni Bureau of Customs Commissioner Yogi Filemon Ruiz ang pagbabalik sa posisyon ng anim na mga opisyal ng BOC-Port of Subic na inilipat kamakailan sa Office of the Commissioner habang iniimbestigahan ang usapin ng asukal na dumating sa SBFZ mula Thailand.
Base umano sa resulta ng imbestigasyon ng Internal Inquiry and Prosecution Division ng Customs Intelligence and Investigation Service walang negligence sa bahagi ng trabaho ng BOC-Port of Subic.
Napatunayan rin umanong authentic at hindi recycled ang SRA clearances ng shipments base sa inilabas na pahayag ng BOC kahapon, araw ng Huwebes.
Balik trabaho sina District Port Collector Maritess Martin, Deputy Collector (Assessment) Maita Acevedo, Deputy Collector (Operations) Giovanni Ferdinand Leynes, Assessment Division Chief Belinda Lim, Enforcement and Security Service (ESS) District Commander Vincent Mark Malasmas at Customs Intelligence and Investigation Service Field Supervisor Justin Geli.//Jen Bayot-BNFM OLONGAPO
