UNOM ka mga lalaki ang gidakop sa kapulisan sa naga padayon nga kampanya batok sa ginabawal nga sugal.
Subay sa talaan sa San Isidro Police Station ang unom mao silang Jhon Malimpang, 25- anyos; Joey Espanto, 34-anyos; Marc Abad,19-anyos; Jay Lastimoso, 20-anyos; Edwin Aroyo, 62-anyos ug Archie Salmonte, 32- anyos, ang mga nahisgotan residente sa Lanton. Brgy. Apopong.
Sumala pa nga pasado alas 10 sa gabii sa Diversion Road, Barangay Mabuhay naatlan sa kapulisan nga adunay nagasugal sa ginatawag nga Drop Ball ug adunay pusta mao nga gidakop sila sa kapulisan.
Nakuha sa pulis ang lima ka bola sa pingpong, baraha ug kwarta nga mokabat sa P488.00, gidala sila sa police station alang sa dugang imbestigasyon. I Ver Diazon
