Sikop sa mga sakop sa Davao City Police Office (DCPO) ang unom ka drug suspek atol sa unom ka managlahing anti illegal drug operations sulod sa 24 oras, gikan Mayo 15 hantod Mayo 16 ning kasamtangang tuig.
Nunot kini sa padayong paningkamot sa kapulisan sa kampanya batok iligal nga droga sa dakbayan sa Davao, ilawum sa pagdumala ni DCPO, City Director, Pcol Richard Bad-ang.
Malampuson matod pa nga nasikop ang mga suspek human nakuha kanila ang lain-laing gidak-on nga pakete sa iligal nga droga.
Atol sa operasyon, nakumpiska gikan kanila ang kinatibuk-ang kantidad sa gidudahang shabu nga mubalor sa Php56,780.00.
Tingkagol na karon sa prisohan ang nahisgutang mga dinakpan ug gihikay na ang pagpasaka og tukmang kaso batok kanila.
Samtang, gipasalig sa DCPO nga dili sila mohunong sa pagsumpo sa iligal nga droga sa dakbayan sa Davao pinaagi sa tabang sa komunidad sa pakigtambayayong sa lokal nga panggamhanan ug Brgy officials.