Napalgang patay ang 56 anyos nga lalaki sa Brgy. Malagos, Baguio Dist., Davao City alas 4:00 kagahapon sa hapon, June 14, 2023.
Naila ang biktima nga si Francisco Llienes Castorico ug residente sa nasangpit nga lugar.
Saysay sa igsoon sa biktima nga nag-antos sa sakit sa iyang kasingkasing ug kidney failure ug nag inusara na ang biktima sa iyang balay.
Nadiskobrehan sa nashisgutan ang patay’ng lawas sa iyang igsoon sa dihang nanimaho na kini.
Hinoon, sa imbestigasyon sa mga personahe sa Baguio Police Station sa pagpanguna ni PMaj. Mark Lester Jalon, OIC, walay nakitang foul play sa kamatayon sa biktima.
Gidala ang patay’ng lawas ni Castorico sa usa ka punerarya sa Calinan ning siyudad.BNFM-DAVAO
