HIMAS rehas sa Makar police station ug gipasakaan na og kaso sa kapulisan ang usa ka 55-anyos nga lalaki human kini maaktohan sa kapulisan sa pagbitbit og armas ug mga bala nga walay igong dukomento. Sa rekord sa kapulisan naila ang dinakpan nga si Edres Hussen, residente sa Zone G, Purok Spring Mudia, Barangay Labangal, General Santos City. Nasikop sa kapulisan ang nahisgotang suspek kaniadtong Marso 31 atol sa checkpoint sa kapulisan sa Purok Kintay, National Highway, sa nahisgotang Barangay.
Narekober sa otoridad gikan sa sling bag sa suspek ang usa ka caliber 45 nga pistola, 2 magazine, ug mga bala. Kaso nga pagsupak sa Republic act 10591 o iligal nga paghupot og armas nga walay dukomento ang giatubang sa dinakpan. I Enamie Mogpon
