-Daina Gerona
KABANKALAN CITY, Negros Occidental — Nakabaton sang “Ayuda para sa Kapos ang Kita Program” (AKAP) Cash Aid ang 54 ka mga nagklain-lain nga mga fisherfolks association sa probinsiya sang Negros Occidental.
Kalakip sa mga asosayon amo ang nagikan sa kinto Distrito nga sakop sang probinsiya, partikular na ang mga 23 ka asosasyon sa banwa sang Hinigaran, pito sa banwa sang Binalbagan kag, 24 naman ka mga asosasyon nga nagikan sa syudad sang Himamaylan.
Base sa impormasyon nga nakuha sangg Brigada News Fm Kabankalan nga amo ini ang pinaka-una nga kahigayunan nga nahatagan sang ayuda ang mga mangingisda sa kinto Distrito, sa rason nga natalupangdan nga lakip man sila sa mga nangin apektado sang El Niño phenomenon.
Palayag sang isa ka mangingisda nga nakabaton sang P 3,000 nga ayuda, nga unahon niya bakal ang bugas kag ang balayran sang iya nga manug-graduate nga estudyante sa senior high.
Samtang, suno naman sa pahayag ni Fifth District Cong. Atty. Dino Yulo nga ang ila ginbasehan nga nakabaton sang ayuda amo ang mga naka-registered sa fisherfolks associations.
Nahibaluan, nga yara tanan sa 7, 440 ka mga “Near Poor Families” sa probinsiya lakip na ang mga minimum wage earners ang benipisyaryo sang gindesinyo nga Department of Social Welfare and Development- AKAP.*