Lumabas sa isang pag-aaral na 52% ng mga Pilipino Gen Z ang mas gustong magtrabaho sa ibang bansa at mas gustong magtrabaho nang solo kaysa grupo.
Ayon sa pag-aaral ng Wellness Index, lumitaw na nais ng mga Gen Z na makaranas ng bagong kultura at personal growth na magpapataas din ng kanilang competitiveness at marketability sa global job market.
Natuklasan din sa pag-aaral na mas gusto ng mga Gen Z na magtrabaho na mag-isa kaysa grupo para makaiwas sa pressure at anxiety kapag may kasamang iba.
Paliwanag naman ng ilang psychologist na mas madali sa Gen Z na makakuha ng impormasyon at makita ang uri ng pamumuhay sa ibang bansa dahil sa kanilang kasanayan sa technology.
