Nilagdaan na ng Regional Tripartite Wages and Productivity Board ng Bangsamoro Government ang wage order para sa mga kasambahay.
Ayon kay Bangsamoro Labor Minister Sema, nakasaad sa Wage Order No. DW – 01 na 5,000 pesos na ang minimum wage o pasahod para sa kasambahay sa loob ng isang buwan.
Ipatutupad ang kautusan sa buong rehiyon, kabilang ang walong bayan sa Special Geographic Area.
Magiging epektibo ang wage increase labing limang araw (15 days) matapos ang publication nito sa mga pahayagan. | Roy Holgado
