Nagpreparar ang gobyerno-probinsyal kang 5,000 ka mga indigenous seedling nga igtatanum sa mga karsadahon bilang kabahin man kang selebrasyon kang Environment Month celebration sa Hunyo.
Suno kay Environment and Natural Resources Office (ENRO) head Vivian Marfil, ginpahayag kadya nga ang pagtanum kang nasambitan nga mga seedlings amo ang sandig sa mandu ni Antique Governor Rhodora Cadiao kontra climate change kag sa pagpanami man kang mga karsadahon.
Lakip sa mga ginpreparar nga seedling amo ang saging, catmon, kag iban pa nga indigenous ukon native trees. Dugang pa kang opisyal, mahimo magpangayo ang mga estudyante kag kag civic organizations sa ENRO kung sanda ang may naman-an pa nga mga karsadahon nga luyag man kadya nga tamnan.