PABILING health concern sa GenSan ang dengue labi na karon sa pagsugod sa La Niña phenomenon.
Matud ni Dr. Lalaine Calonzo, labaw sa City Health Office (CHO) luyo sa pag-ubos og 17% ang kaso sa dengue karong tuig tandi atong 2023. Mas hugtan pa nila ang kampanya aron dili na madungagan ang 937 kasamtangang kaso sa dengue sa siyudad.
Dugang ni Calonzo, angayang batasanon sa publiko sa 5S strategy Strategy, 4 o’clock Habit, and Dengue Fast Lane.
Giawha ni Calonzo ang publiko nga bungkagon ang mga lugar nga ginabalayan sa lamok nga nagdala og dengue, mogamit og insect repellents; ug magpakonsulta sa labing duol nga health care facility; fogging ug spraying sa hot spot areas.
Kahibaloan nga nag-una ang Barangay Calumpang sa nakatala og labing daghang kaso sa dengue sa GenSan. I Richel Gubalani
