MOKABAT sa 11 ang nasikop sa gihimong 11 ka operasyon Police Regional Office (PRO) 12 sa nagkadaiyang lugar sa rehiyon gikan atong Mayo 20 -26 ning kasamtangan nga bulan.
Base datos sa kapulisan, mokabat sa 38.63 gramos nga shabu ang nakumpiska sa mga otoridad samtang 6.7 gramos usab ang marijuana. Sumala pa nga ang nasampit nga mga illgal nga druga ang gibanabana nga nagkantidad sa P263,542.
Matud ni Police Brig. Gen Percival Augustus Placer, regional director sa PRO-12 sa mas gipaskugan pa nila ang paggukod sa mga lambigit sa gidiling droga nga usa sa ugat sa nagkadaiyang krimen. I Richel Gubalani
