LEGAZPI CITY – Uminabot na sa probinsya kan Albay si Department of Tourism (DOT) Secretary Christina Garcia Frasco kasuhapon, Oktubre 8 para sa Philippine Experience (PhilEx) Caravan na isasagibo sa Rich Arts and Cultural Sites sa probinsya.
Winelcome man ni Gov. Edcel Greco Lagman si Frasco.
Sa social media post ni Lagman, nagpasalamat siya sa opisyal sa pagbisita kaini sa probinsya.
Pangengenotan ni Frasco an nasabambit na caravan, kun sain itatampok kan probinsya an mga kakanon, kabuhayan asin manlain-lain na mga crafts.
Ipapahiling man an Sarung Banggi Festival Dancers gikan sa banwaan kan Sto. Domingo, Pinangat Festival Dancers kan Camalig, asin Sunflower Festival Dancers kan Ligao City.
