LEGAZPI CITY – Aatendiran ki nasa 50 mga Albayano an kaenot-enoteng training para sa National Certificate III kan Agricultural Farm Machineries sa bilog na Pilipinas.
Sa intrivista kan Brigada News FM Legazpi kay Albay Provincial Agricultures Office (APAO) Assistant Provincial Agriculturist Dharyl John Buenconsejo, sinabi niya na nakatalaang ining ikondusir sa maabot na Mayo 7-9 sa Brgy. Tula-Tula Grande, Ligao City, base man sa saindang pakikipag-olay sa Technical Education and Skills Development Authority (TESDA) Albay.
Sa ngunyan, pigsasapinal pa kan saindang opisina an bilog na detalye, orog na kun ano an mga nakapalaman digdi asin kun sirisay an makakasabay sa training.
