KORONADAL CITY- LIMANG mga social technologies ang inilunsad ng Department of Social Welfare and Development o DSWD Region 12 na maaaring i-adoptar ng mga local government units (LGU).
Kabilang sa mga ito ang mga sumusunod: Yakap Bayan Program, isang government intervention para sa mga taong gumagamit ng ilegal na droga; Buklod Paglaom, isang holistic psychosocial and economic interventions para sa mga children in conflict with the law; Strategic Helpdesk sa mga child laborers; Comprehensive Program para sa mga streetchildren, families at IPs; at WiSupport o wireless mental health support para sa mga covid-affected at in-crisis individuals and families.
Inihayag ni DSWD 12 regional director Loreto Cabaya Jr na ang naturang social technologies ay mga mahahalagang programa na maaaring gayahin ng mga LGUs upang masagot ang mga social issues na kinakaharap ng mga mamamayan.
