SAN JOSE – Nakakulong na ngayon ang limang kalalakihan matapos na maaresto ng mga awtoridad na naglalaro ng iligal na sabong sa Sitio Alagao, Brgy. Galamay-amo, San Jose, Batangas.
Kinilala ang mga naaresto na sina JR Valenzuela, 18-anyos; Jerwin Silva, 28 anyos; Alouisius Gonzales, 36 anyos; John Michael Tuazon, 27 anyos at Lito Yongque, 53 anyos, pawang mga residente ng naturang bayan.
Ayon sa imbestigasyon, aktong nahuli ang mga suspek na nagtutupada sa ikinasang anti-illegal gambling operation ng mga awtoridad.
Narekober mula sa kanila ang limang manok, ilang set ng tari at perang nagkakahalaga ng 1,006 pesos.
Nahaharap ang mga suspek sa kasong paglabag sa Presidential Decree o PD 449 o Cockfighting Law of 1974.
