Kasong paglapas sa R.A 9165 kon Comprehensive Dangerous Drug Act of 2002 ang giatubang sa 5 ka mga High Value Target Drug personalities ug usa ka Drug den maintainer sa Purok 3, Brgy. New Visayas, Panabo City atol sa gipahigayon nga buy bust operation sa nahisgutang lugar.
Giila ang mga suspek nga sila Reymark Ombao Bangahon, 18 anyos nga maoy tig mainternar sa drug den, Ronnel Mendoza Alcordo, 25 anyos, Celso Ombao Bangahon, 23 anyos, Vicente Madin, 26 anyos ug si Jhon Rojan Bausing, 19 anyos, diin tulo niini ang residente sa maong lugar samtang ang duruha taga Davao de Oro.
Nakumpiska sa ilang possession ang mga gituohang shabu nga gibana-banaang motimbang og 5.1 grams ug mubalor og P34,680.00.
Subay sa dugang pagtuki sa kapulisan, nasuta nga ang mga dinakpan susama matud pa nga suspek sa pagpanghold-up, pagpangawat ug pangpanlungkab sa mga establisamento ug mga kabalayan sa nahisgutang lalawigan. Sa kasamtangan, gipaslak na ang mga dinakpan sa Panabo Police Station. BNFM-Davao
