NAGA CITY- Dalawang beses sa loob ng isang linggo ang nararapat na search and destroy activities o paghahanap at pagsira sa mga paborableng pangitlugan ng lamok.
Ito ang rekomendasyon ng Department of Health Camarines Sur, matapos ang namominitor na pagtaas ng kaso ng dengue sa ilang bahagi ng bansa.
Ayon kay DOH Provincial Officer Dr. Millena dapat sana ay ipinagpatuloy ang province-wide regular simultaneous cleanup drives at intensified dengue preventive measures simula 2019.
Sa record ng DOH-Bicol mula Mayo 22 hanggang Hunyo 4, 2022 umabot sa 77 ang kaso sa Bicol, kumpara noong 2021 na mayroong 23 sa parehong period.
Sa huling tala, 49 ang nairecord sa buong Camarines Sur na pinakamataas sa Region 5, noong Abril 30 naman sinabi na mayroong 4 kaso ng Japanese Encephalitis partikular na sa Bula, San Jose, Lagonoy at Minalabac.
