CAMARINES NORTE – Aabot sa 483, 950 indibidwal sa Camarines Norte edad limang taong gulang pataas ang rehistrado na sa Philippine Identification System (PhilSys) mula Hunyo 2021 hanggang sa pagtatapos ng 2023.
Ayon sa Philippine Statistics Authority (PSA) 92. 44 % ito sa 523, 545 na target individuals.
Noong Disyembre ay lalo pang pinalawak ng PhilSys team ang information dessimination na naktuon sa step 2 registration at ePhilID distribution.
Nag- outreach ang PSA sa iba’t- ibang bayan kasabay ng pay out ng Assistance to Individuals in Crisis Situation (AICS) ng Department of Social Welfare and Development (DSWD).
Dito ay ipinaliwanag ni PhilSys Focal Person Mary Jane Lavina ang mga benepisyo at security features ng ePhilID at PhilID.
Nakilahok din ang PhilSys team sa mga Serbisyo caravan sa iba’t- ibang barangay na inorganisa naman ng Local Government Unit.
Umaabot naman sa 137, 332 na ePhilIDs ang naipamahagi sa mga taga Camarines Norte mula Enero hanggang December 2023, kaya kung susumahin nasa 240, 579 ePhilIDs na ang naipamahagi.
Ang ePhilIDs ay may parehong gamit ng physical ID card. Maaaring gamitin ang ePhilId habang hinihintay ang physical ID card.
