LEGAZPI CITY – Arestado an 47 anyos na lalaki sa Brgy. 2, Camalig, Albay huli sa kasong estafa through falsification o public documents.
Binisto ining si alyas “Bornok”, may agom asin residente kan Purok 3, Brgy. Dunao, syudad nin Ligao.
Sa report, inarestar kan personahe kan Camalig MPS an akusado sa kusog kan mandahamiento de aresto para sa nasambitan na kaso.
Maabot man sa PHP36,000 an kantidad kan piyansang tinalaan kan korte para sa saiyang temporamenteng libertad.
Nasa kustodiya na ini kan mga otoridad para sa magkakanigong disposisyon.
