Moabot na sa 46 ka mga sakop sa Police Regional Office kon PRO-XI ang nadismiss sa serbisyo tungod sa nagkadaiyang rason.
Sa impormasyon gikan kang PMajor. Eudisan Gultiano, tigpamaba sa PRO-XI, gibutyag niining 38 ka pulis sa rehiyon ang nataktak sa serbisyo naidtong 2020 samtang moabot sa 18 karong tuiga.
Kasagaran sa gipangtaggal sa serbisyo nalambigit sa iligal nga aktibidad samtang ang uban pag-abuso sa ilang serbisyo.
Kalabot niini subling gipahinumduman sa opisyal ang tanang sakop sa PRO-XI nga barugan ang gipanumpaan nga serbisyo nga mao ang paghatag og proteksyon sa katawhan.
Ang pahayag sa tippamaba sa PRO-XI nunot sa nahimong desisyon sa korte batok sa pulis nga mipatay sa mag-inahan didto sa Tarlac nga si M/Sgt. Jonel Nuezca og double life sentence.
