LEGAZPI CITY – Nakapagrehistro nin apat na volcanic earthquakes an Bulkang Mayon susog sa pinakaultimong monitoring kan Philippine Institute of Volcanology and Seismology (PHIVOLCS).
Naobserbaran man sa bulkan an maluyang banaag o crater glow kasabay an 720 tons nin sulfur dioxide flux.
Apwera digdi, nanutaran man an katamtamang pagsangaw na nasa 750 meters na langkaw pasiring sa sulnupan asin norte-sulnupan na direksyon.
Nagtetenir na nasa alert level 1 an bulkan, asin mahigot man giraray na pinagbabawal an paglaog sa 6 kilometers permanent danger zone kaini.
