Gininagurahan ron ang 4- storey Coast Guard Station Antique Building nga nahamtang sa Brgy. Poblacion II, Hamtic, Mayo 22.
Suno sa impormasyon, ang nasambit nga Building ang gin pondohan ni Sen. Loren Legarda nga nagabalor kang kapin 18 Milyones samtang ang lupa naman ang gindonar kang Alkalde kang amo nga banwa. Dugang pa, gindugangan ang imprastruktura kang coast guard sa probinsya bangud nagaduro ang mga Coast guard personnel.
Mangin bulig ang pagpasad kang dyang pasilidad, agud ma capacitate ang Coast guard personnel sa tion kang emerhensya partikularmente kun magresponde sa tion kang kalamidad.
Naman-an nga ang Coast guard station nga nahamtang sa Pantalan, San Jose ang mangin sangka sub-station lamang kang banwa.
