Sikop sa mga gingsakpan sa Drug Enforcement Unit sa Digos City Police Station ang upat ka indibidwal sa gikasang hiniusang drug buy bust operation sa Purok 8, Tienda Aplaya, Brgy. Aplaya, Digos City sa milabay’ng adlaw.
Malampuson nga nadakpan ang mga suspek nga nailang sila Jayson Dumaguit Nabises Alias Boss, Drug Den Maintainer ug gikonsiderang High Value Individual, 27, pintor, Janilyn Amodia Cuerda Alias Aubrey, 27, Drug den Visitor, gikonsiderang HVI, Roel Acompanado Payan Alias Monkey, 51, susamang residente sa Purok 8, Tienda Aplaya, Brgy. Aplaya, Digos City; ug Marjorie Catambacan Alias Kikay, 33, bar waitress nga taga- Fatima Mabini Ext., Brgy. Zone 3, Digos City, Drug den Visitor.
Narekober sa ilang posisyon ang gituohang shabu ug uban pang drug paraphernalia.
Gibana-banaan nga mutimbang sa kapin kon kulang 17 gramos ang iligal nga droga samtang dunay street market value nga Php 255,000.00.
Kasamtangan, paslak na sa bilangguan ang nasangpit nga dinakpan.
