Balhog sa prisohan ang upat ka indibidwal human naaktuhan kining nagpahigayon og sabong atol sa gikasang operasyon sa Tagum PNP sa Purok Durian, Brgy. Magugpo East, Tagum City, Davao del Norte.
Giila ang mga dinakpan sila Rolando Ondog Zarate, 26 anyos, ulitawo, construction worker, lumad sa Bayugan 1, Agusan del sur, Francis Dimaano Eastling, 40 anyos, ulitawo, residente sa Purok Malinawon, Brgy. East, Tagum City, Mario Avila Abellana, 40 anyos, ulitawo, residente sa Purok Laureta, Brgy. San Miguel,Tagum City, ug si Richard Galacio Salles, 47 anyos, minyo, laborer, residenet sa Purok Maximina, Brgy. Magugpo East, Tagum City.
Narecover sa mga otoridad ang tolo patay nga manok pangtari ug 4,000 pesos nga kwarta isip pusta sa sugal. Nag atubang na og kasong Illegal gambling ang mga suspetsado.
