Damyos ang upat sa pito ka police patrol car nga nag-convoy homan nagkarambola sa National Highway, Barangay Bauk Bauk, Balingoan, Misamis Oriental.
Sumala kang Balingoan Municipal Police Station Officer-in-Charge Police Major Marilyn Pimentel nga gikan pa sa Toyota Sentro Warehouse, Marilao, Bulacan ang mga bag-ong patrol car nga takda untang i-turn over sa PNP Regional Headquarters Police Regional Office 9, Zamboanga del Sur.
Sa imbestigasyon, samtang gibaybay sa lima ka patrol car ang national highway, nakatagpilaw matud pa og tulog ang pinaka-ulahi o ikalima nga driver nga nagdala sa patrol car hinungdan nga nabanggaan niini ang nag-una nga patrol car, lakip niini ang ika-upat, ika-tulo ug ika-duha nga sakyanan.
Naila ang driver nga nakabangga nga si Jose Sacdalan San Jose Jr. 47-anyos, residente sa Tondo Manila.
Posibli kini nga mag-atubang sa kaso nga Reckless Imprudence Resulting to Damage to properties.
Giklaro sab ni Major Pimentel nga dili pulis ang driver sa patrol car, apan ang Toyota dealer mismo.
Walay natala nga samaraon sa mga driver sa patrol car.
Sa karon, gipa-abot pa sa kapolisan ang assessment sa mekaniko kung pila ang kantidad sa nadamyos nga mga patrol car.
